Daga Ibrahim Muhammad, Kano Sakamakon kyakkyawar shaida ta irin gudumuwa da al'umma suka shaidi Hajiya Samira Bala Usman na bayarwa ...
Daga Ibrahim Muhammad, Kano
Sakamakon kyakkyawar shaida ta irin gudumuwa da al'umma suka shaidi Hajiya Samira Bala Usman na bayarwa ga ci gaban al'umma, Gidauniyar Hausa da haɗin kan Hausawan Duniya ta tabbatar mata da matsayin 'Tauraruwar Hausa da ci gaban Hausawan Duniya' a yayin wani taro da aka gudanar na Gidauniyar a jihar Kano.
Da take zantawa da 'yan jarida bayan karbar shaidar na tabbatar mata da matsayinta na tauraruwar Hausa da haɗin kan Hausa, Hajiya Samira Bala Usman ta bayyana mutuƙar murna da farin cikinta game da wannan shaida da aka ba ta na zama daga cikin shugabanni a Gidauniyar Hausa da Hausawan Duniya "charity.
Ta ce Gidauniyar ta Hausa da haɗin kan Hausa tana da himma, ƙwazo da kishi wajen sama wa Hausawan Duniya haɗin kai da ci gaba a tsarin tafiyar da rayuwar su a duk inda suke.
Ta ƙara da cewa ta yi mutuƙar gamsuwa da irin tsare -tsare da Gidauniyar take yi masu ɗimbin ma'ana wajen tallafa wa gina ci gaban al'umma, musamman ƙoƙarin da take yi wajen hana barace-barace da tallafa wa marayu da kuma haɗa kan al'ummar Hausawa a duk inda suka samu kansu a duniya.
Ambasada Hajiya Samira Bala Usman Tauraruwar ta Hausa da Hausawan Duniya.ta ƙara da nuni da cewa dama ita wannan Gidauniyar ta Hausa da haɗin kan Hausawa ta Duniya tana da jajicewa wajen ta ga ci gaban al'ummar Hausawa suma da suka zama daga mambobinta za su bada irin tasu gudunmawa sosai domin cigaba ganin ana samun nasarar hada kan al'ummar Hausawa a ko'ina a kowace kasa a fadin Duniya .
Ambasada Hajiya Samira Bala Usman Tauraruwar Hausa da haɗin Kan Hausawan Duniya ta gode wa dukkan waɗanda suka zo don taya ta murna a wannan matsayi da kuma yin kira ga dukkan 'yan ƙungiyar su ci gaba da bada misali na kyakkyawan haɗin kai a tsakaninsu don gina ci gaban Gidauniyar.
No comments