BABBAR SALLAH: Minista Matawalle Ya Raba Raguna 3000 A Zamfara

Daga Hussaini Yero, Gusau Tsohon gwaman Jihar Zamfara kuma Ƙaramin ministan tsaro na ƙasa Hon. Bello Muhammad Matawalle ya raba raguna 3000 ...

Daga Hussaini Yero, Gusau

Tsohon gwaman Jihar Zamfara kuma Ƙaramin ministan tsaro na ƙasa Hon. Bello Muhammad Matawalle ya raba raguna 3000 ga jama’a da kuma ‘yan jam’iyyar APC domin yin Layya  da bukukuwan salla a Jihar Zamfara.

Da yake jawabi ga manema labarai yayin rabon ragunan a Gusau, shugaban jam’iyyar APC na jihar, Alhaji Tukur Ɗanfulani ya bayyana cewa, za a bai wa shugabannin jam’iyyar na ƙananan hukumomi rago 1400 a faɗin ƙananan hukumomi 14 na jihar.

"Ya ci gaba da cewa, za a bai wa manyan ‘yan kwamitin Zartarwar na  jam’iyyar na jiha da na ƙananan hukumomin APC da dattawa da matasa da malaman addini raguna 1600.zasu amfana da su.

Tukur Dan Fulani, ya yaba wa minista Matawalle bisa wannan karimcin, sannan kuma ya buƙaci waɗanda suka amfana da ragunan dasu yi amfani da raguna a matsayin Layya a lokacin Sallah kamar yadda Allah Ta’ala ya tsara.

Kuma ya yaba wa Sanata Abdul'aziz Yari da Muktar Koguna Akatan bisa ƙoƙarin su na bada tallafin Shanu da ragunan Layya.